足球贴士-足球推介-足球推荐-足球预测_华夏体讯

英軍搶攻半場派W

2021/4/2 19:13:24
羅拔仔退隊波蘭有難
世界盃外圍賽歐洲區I組矚目大戰,英格蘭主場對波蘭。「神箭」羅拔利雲度夫斯基受傷退隊,對波蘭影響之大真係計數機都計唔掂,預計英格蘭可以盡情搶攻。事實上,「三獅兵團」以往對住波蘭都好搶韁,近9次交手有7次半場領先,踢法格食格,今場一於捧英格蘭半場主勝。(香港開電視77台、有線601及661台周四凌晨2時45分直播)

羅拔利雲度夫斯基踏入2021年,各項賽事上陣20場攻入25球;近兩場世界盃外圍賽入咗3粒,累積入咗24球,喺歐洲球員之中僅次於30球嘅C朗,以及26球嘅舒夫真高,佢同時係波蘭史上「士哥王」,為國家隊射入66球,絕對係波蘭成敗嘅關鍵人物。

之前為咗令「羅拔仔」可以喺今場比賽上陣,驚動到波蘭總理莫拉維茨基,親自打電話畀德國總理默克爾,最終開綠燈通融「羅拔仔」嘅檢疫手續,容許佢由英國返回德國後,毋須隔離14日,先至令佢嘅所屬球會、德甲班霸拜仁慕尼黑放人。搞場咁嘅大龍鳳,就知波蘭上下都明白,呢場波冇咗「羅拔仔」對爭取出線實在非常不利,依家呢位箭頭受傷退隊,大軍仲受到疫情困擾,今仗可以話未踢先輸一半。

速戰速決乘機抖抖
「三獅兵團」愈踢愈順,佢哋先以半力出擊輕取聖馬力諾5比0,上場就有哈利卡尼1傳1射,以2比0作客擊敗阿爾巴利亞,預料今仗主場出擊,可以擊敗冇咗「羅拔仔」嘅波蘭。其實英格蘭近7次主場鬥波蘭錄得全勝,不過主W太熱冇肉食;翻查紀錄,原來英軍近9次鬥波蘭,有7次半場已經領先,一於信佢哋再一次早早搞掂波蘭,等領隊修夫基可以早啲畀班英超球星抖吓,同各大球會有交代,推介半場主勝。
上一条:西乙盘口分析马洛卡vs莱加内斯
下一条:没有资料
消费流程  |   如何消费  |   充值说明  |   关于我们  |   常见问题
所有资讯仅用作中国足球彩票之参考。彩市有风险,购彩需谨慎!华夏体讯不对彩民任何购买行为负责。
以上条款, 华夏体讯在不违背有关法律、法规,不违反公共道德准则的情况下,由华夏体讯作出最终解释、补充,或另行约定附则。
Copyright © 华夏体讯